Programet dhe Projektet e KEC-it

Programet dhe projektet që zhvillon aktualisht Qendra për Arsim e Kosovës janë:

1. Mendimi Kritik gjatë Leximit dhe Shkrimit

MKLSh është një program për trajnimin e mësimdhënësve i bazuar në modelin “trajno-trajnerin” dhe zbatohet drejtpërdrejt në klasë, në nivele të ndryshme të shkollimit dhe në lëndë të ndryshme.

2. Hap pas Hapi

Hap pas hapi është program edukativ, i cili filloi si metodologji parashkollore, mirëpo tani i qaset të gjitha niveleve shkollore; institucioneve parashkollore, shkollave fillore, të mesme dhe arsimimit të mësimdhënësve.

3. Promovimi i të Drejtave të Fëmijës në Fushën e Arsimit

Projekti “Promovimi i të drejtave të fëmijës në fushën e arsimit” implemnetohet nga Qendra për Arsim e Kosovës që nga janari i vitit 2009. Financues i këtij projekti është: Zyra Ndërlidhëse e Komisionit Evropian në Kosovë (ECLO) - Instrumenti për Demokraci dhe të Drejtat e Njeriut (EIDHR).

4. Avancimi i Pjesëmarrjes dhe Përfaqësimit të Grupeve të Pakicave Etnike në Arsim (APREME)

Projekti “Avancimi i Pjesëmarrjes dhe Përfaqësimi të Grupeve të Pakicave Etnike në Arsim” (APREME) ka filluar të zbatohet në maj të vitit 2009. Ky projekt financohet nga Komisioni Evropian me seli në Bruksel dhe Instituti për Shoqëri të Hapur me seli në Budapest. APREME është projekt rajonal ku marrin pjesë 6 shtete të Ballkanit Perëndimor.

5. KOSOVISION CONTEST

KOSOVISION CONTEST është një projekt arsimor në formë të një gare kombëtare që përcillet nga media i cili filloi në shtator të vitit 2008 dhe zgjat deri në maj të vitit 2011. Koncepti u zhvillua nga Universiteti i Edukimit në Cyrih të Zvicrës, ndërsa për herë të parë u realizua në vitin 2007 në Regjionin e Prizrenit, në bashkëpunim me KFOR-in.

6. Qasja tërësektoriale në Arsim (SWAP)

Në maj të vitit 2009, Zyra Ndërlidhëse e Komisionit Evropian (ECLO) në Prishtinë shpalli tender për projektin 3-vjeçar “Përkrahja për implementimin e qasjes tërësektoriale në arsimin e Kosovës” me qëllim që t’i ofrojë ndihmë Qeverisë së Kosovës për ofrimin e shërbimeve më cilësore në arsim. Në fakt, vet ndihma është pjesë e pakos së përkrahjes IPA 2008 për të ndihmuar aderimin më të shpejtë të vendit në Bashkimin Evropian. Vet tenderi ishte i tipit të kontratës për shërbime me terma specifike të referencës të hartuara nga ECLO, ndërsa KEC aplikoi si pjesë e konsorciumit të udhëhequr nga Cambridge Education Ltd, duke arritur paraprakisht marrëveshje, që, në rast të fitimit të këtij tenderi, të mbajë përgjegjësinë për organizimin e zyrës së projektit dhe për sigurimin e ekspertizës vendore. Pas shpalljes së rezultatit, kontrata për implementim u nënshkrua në shtator, ndërsa implementimi filloi më 20 tetor 2009.

7. Krijimi i Mjediseve të Sigurta, jo të Dhunshme dhe Humane në Shoqëri dhe Shkolla

Projekti është disenjuar në vitin fund vitit 2007, ndërsa UNICEF ka vendosur që të ta financoj në shtator të vitit 2008. Zbatimi i tij ka filluar me 9 shtator të vitit 2008.

Nga emërtimi i projekti shihet qartë se kemi të bëjmë me një proces shumë të ndërlikuar dhe kompleks. Ndihmë të madhe na kanë dhënë përfaqësuesit e UNICEF-it, të cilit në të gjitha ngjarjet e rëndësishme që lidhen me këtë projekt kanë marrë pjesë duke dhënë ide të dobishme dhe me interes.

8. Avancimi i mësimdhënies së Historisë

Synimi i përgjithshëm i këtij projekti është Të krijohet një klimë e re në mësimin e lëndës së historisë, përmes trajtimit krahasues të fakteve historike që ndërlidhen me marrëdhëniet mes popujve të Ballkanit.
Qëllimi: të ndërtohen kapacitete në mesin e mësimdhënësve të historisë për të përfshirë burime historike nga vende të ndryshme, në shtjellimin e temave historike të caktuara.

9. Koncepti i qytetarisë te nxënësit e shkollës së mesme në Kosovë

Qendra për Arsim e Kosovës në bashkëpunim me Universitetin e Edukimit në Zurich, (PHZH), dhe me Fakultetin e Edukimit të Universitetit të Prishtinës (FEUP), në tetor të vitit 2009 kanë filluar implemtentimin e një projekti kërkimor. 

10. Access Microscholarship Program

Programi ACCESS, ka filluar në shtator të vitit 2006. Ky program financohet nga Ambasada e SHBA në Kosovë, ndërsa zbatohet nga KEC. Në vitin 2007/08 në këtë program janë përfshirë rreth 60 nxënës të shkollave të mesme nga tri komuna të Kosovës: Prishtinë, Prizren dhe F. Kosovë, të cilët për dy vjet kanë qenë përfitues të Programit. Nxënësit janë të komuniteteve të ndryshme etnike që jetojnë në Kosovë: shqiptarë, serbë, turq, boshnjakë. Ndërkaq, në vitin shkollor 2008/09 Programi zhvillohet në Prizren me një grup të nxënësve dhe Prishtinë me dy grupe nxënësish, me gjithsej 52 nxënës 

11. Programet e trajnimit të KEC-it

KEC ka një listë të programeve të trajnimit, të cilat programe trajnimi janë të dedikuara për personat e ndryshëm të interesuar për trajnim, qofshin ata të përfshirë drejtpërdrejt apo indirekt në sistemin dhe procesin arsimor në Kosovë.

12. Biblioteka e KEC-it

Qendra për Arsim e Kosovës ka themeluar një bibliotekë me mbi 1200 tituj librash të ndryshme nga fusha e edukimit. Librat janë kryesisht në gjuhën shqipe dhe angleze. Biblioteka do të jetë në dispozicion edhe të mësimdhënësve të shkollave publike në vend. Për të shikuar listën me titujt dhe autorët e librave, klikoni këtu:

13. Projekti i granteve për zhvillimin e shkollave

Më 14 qershor MAShT ka nënshkruar me KEC marrëveshjen për realizimin e një komponente të projektit të Bankës Botërore për zhvillimin e institucioneve arsimore. Me financim të Bankës Botërore, gjatë 19 muajve vijues rreth 151 shkolla fillore dhe të mesme të Kosovës do të përfitojnë përkrahje financiare për implementimin e projekteve shkollore të cilat kanë për qëllim rritjen e cilësisë në arsim. Roli i KEC do të jetë ofrimi i ndihmës profesionale shkollave në hartimin e planeve zhvillimore dhe projekt propozimeve të cilat do të mbështeten financiarisht nga Banka Botërore. Po ashtu, shkollat do të aftësohen për të monitoruar implementimin e projekteve të tyre si dhe vlerësimin e impaktit të projekteve në ngritjen e cilësisë në arsim.

14. Shkolla "Mileniumi i Tretë"

Shkolla "Mileniumi i Tretë" është shkollë jopublike e nivelit fillor, të mesëm të ulët  dhe të mesëm të lartë (klasat 1-12), e themeluar nga KEC. Shkolla është licencuar nga Ministria e Arsimit, e Shkencës dhe e Teknologjisë