Personi kontaktues: Dukagjin Pupovci

Shkolla "Mileniumi i Tretë"

Koncepti i shkollës

Shkolla "Mileniumi i Tretë" është shkollë jopublike e nivelit fillor, të mesëm të ulët dhe të mesëm të lartë (klasat 1-12), e themeluar nga KEC. Shkolla është licencuar nga Ministria e Arsimit, e Shkencës dhe e Teknologjisë.

Kjo shkollë nuk u shërben vetëm nxënësve të saj dhe prindërve të tyre, por edhe arsimit publik. Pas mbulimit të shpenzimeve të Shkollës, profiti i realizuar do të shfrytëzohet për aftësimin profesional të mësimdhënësve të shkollave publike, duke i kontribuar kështu ngritjes së cilësisë së arsimit në përgjithësi.

Vizioni -Çfarë ne synojmë?

T'i kontribuojmë zhvillimit maksimal dhe të lirë të secilit nxënës të regjistruar në shkollë në përputhje me aftësitë individuale psikike dhe fizike dhe me kërkesat e shoqërisë së përparuar dhe demokratike.


Misioni -Çfarë obligimesh marrim?


Shkolla do të krijojë kushte për secilin nxënës të regjistruar të mësojë:

• të dijë,

• të veprojë,

• të mbijetojë,

• të bashkëjetojë me të tjerët,

• të nxë gjatë tërë jetës,

• të transformojë veten dhe shoqërinë
   

Për më shumë informata:

http://www.mileniumi3.net/