16/01/2012

Pas një periudhe rikonstruktimi, Shkolla “Mileniumi i Tretë” këto ditë ka lëshuar për përdorim faqen e saj zyrtare te internetit www.mileniumi3.net  Me një format të ri, faqja përmban informacione dhe të dhëna gjithëpërfshirëse për punën dhe aktivitetet e tanishme të shkollës. Në këtë mënyrë, faqja jonë e internetit është një mundësi e mirë për gjithë të interesuarit – bashkëpunëtorët, mësimdhënësit, mediat etj. – për të qenë më afër aktiviteteve dhe punës së shkollës, si dhe rrjedhave në arsimin e Kosovës në përgjithësi.

06/07/2011

Është organizuar ceremonia përmbyllëse e projektit “Promovimi i të drejtave të fëmijës në fushën e arsimit” . Ceremonia u mbajt më 5 korrik 2011, në orën 11.00, në hotelin “Victory” në Prishtinë.

Projekti ka filluar 30 muaj më parë dhe është zbatuar nga Qendra për Arsim e Kosovës (KEC), në partneritet me Shoqatën Kosovare për të D

16/11/2011

Në prag të 20 nëntorit, Ditës Ndërkombëtare të Konventës për të drejta të fëmijës, Qendra për Arsim e Kosovës (KEC) dhe UNICEF organizojnë Panairin për të drejtat e fëmijës.

Fëmijët, përfaqësues të Komiteteve shkollore nga komuna të ndryshme nga e gjithë Kosova do te marrin pjesë dhe do të prezantojnë punimet dhe aktivitetet e tyre në lidhje me parandalimin e dhunës në shkolla. Organizatat jo qeveritare poashtu do të prezantojnë aktivitetet dhe materialet edukative nga fusha e të drejtave të fëmijëve. Me këtë rast do të zhvillohet diskutim lidhur me të arriturat në fushën e të drejtave të fëmijëve në Kosovë dhe parandalimin e të gjitha formave të dhunës në shkolla.

Të pranishmëve do t’u drejtohen zyrtarë dhe aktivistë nga fusha e arsimit. Panairi organizohet në kuadër të projektit “Parandalimi i dhunës në shkolla” që implementohen nga KEC në bashkëpunim me Ministrinë e Arsimit Shkencës dhe Teknologjisë (MASHT), Drejtoritë Komunale të Arsimit dhe përkrahet nga UNICEF-i.

Panairii do të organizohet në hotelin “Grand” në Prishtinë, më 19 nëntor 2011 me fillim prej orës 10.00.
 

Shkarko agjendën e Panairit këtu.

06/07/2011

Është organizuar ceremonia përmbyllëse e projektit “Promovimi i të drejtave të fëmijës në fushën e arsimit” . Ceremonia u mbajt më 5 korrik 2011, në orën 11.00, në hotelin “Victory” në Prishtinë.

Projekti ka filluar 30 muaj më parë dhe është zbatuar nga Qendra për Arsim e Kosovës (KEC), në partneritet me Shoqatën Kosovare për të Drejtat e Njeriut dhe Fëmijës (KAHCR) dhe në bashkëpunim me Ministrinë e Arsimit, Shkencës dhe Teknologjisë (MAShT),, me përkrahje financiare të Komisionit Evropian në kuadër të Instrumentit Evropian për Demokraci dhe të Drejta të Njeriut (EIDHR) dhe menaxhohet nga Zyra Ndërlidhëse e Komisionit Evropian në Kosovë (ECLO). Përveç të arriturave të projektit, në këtë ceremoni u prezantua edhe raporti i fundit i monitorimit të të drejtave të fëmijës në fushën e arsimit që është zhvilluar në kuadër të projektit.

Më poshtë mund ta shkarkoni Raportin e Monitorimit të prezantuar në këtë takim.

Shkarko Raportin në gjuhën përkatëse: shqipe | serbe | angleze

10/02/2011

Në praninë e shumë Drejtorëve komunal të arsimit, përfaqësuesve të MASHT, OJQ-ve dhe shkollave, u bë prezantimi publik i projektit "Parandalimi i dhunës në shkolla".  Projekti synon të krijoj një qasje të integruar dhe tërësore në ndërtimin e një rrjeti të fuqishëm mbrojtës të mjediseve të sigurta dhe në parandalimin e të gjitha llojeve të dhunës në shkollat e Republikës së Kosovës. Ndërsa qëllimi kryesor i projektit është krijimi i ambienteve miqësore për fëmijë, në të cilat dhuna dhe aktet e dhunës nuk tolerohen dhe ku fëmijët përgatiten për zhvillim të demokracisë dhe të paqes ndërmjet njerëzve.

Drejtori i Departamentit të Arsimit Parauniversitar në kuadër të MASHT, Z. Alush Istogu, tregoi për përpjekjet dhe përkushtimin e MASHT në parandalimin e dhunës në shkolla. Gjithashtu tha se MASHT përkrah çdo iniciativë që është për të mirën e sistemit të arsimit të Kosovës.

Afërdita Spahiu nga UNICEF, që njëherit është edhe donator i këtij projekti, tregoi për punën që ka bërë dhe po bën UNICEF në këtë fushë. Ajo tregoi se rëndësia e këtij projekti është shumë e madhe.

Më pastaj, Halim Hyseni nga Qendra për Arsim e Kosovës e bëri prezantimin e projektit dhe tregoi për objektivat kryesore të këtij projekti dyvjeçar. Leonora Shala nga MASHT, tregoi për ndërlidhjen që ka ky projekt me projektin "Shkollat Promovuese te Shendetit".

Ndërsa Petrit Tahiri nga KEC, bëri prezantimin e Doracakut të projektit.  

24/09/2010

Me mbështetjen e Bankës Botërore, respektivisht Projektit për Zhvillim Institucional, 151 shkolla fillore dhe të mesme të Republikës së Kosovës, do të përfitojnë grante shkollore, të cilat kanë për qëllim ngritjen e cilësisë së arsimit. Partner implementues i këtij projekti është Qendra për Arsim e Kosovës.

Në një ceremoni të organizuar sot, MASHT-i ka filluar zbatimin e kësaj komponente. Me këtë rast, ministri i Arsimit, Shkencës dhe Teknologjisë, Enver Hoxhaj, falënderoi Bankën Botërore për mbështetjen e fuqishme që po i jep arsimit në Republikën e Kosovës.

Ai tha se çdo shkollë në Kosovë ka një plan zhvillimor që parasheh përmirësimin e procesit të mësimdhënies dhe mësimnxënjes, prandaj theksoi se përmes mbështetjes së Bankës Botërore, shkollave përfituese iu mundësohet sigurimi i mjeteve për mësim, sigurimi i teksteve, i transportit të nxënësve, e të tjera. "Grantet shkollore të cilat grante jepen nga Banka Botërore, synojnë mbi të gjitha që ta përmirësojnë cilësinë në mësimdhënie dhe me atë ti bëjë qytetarët e Kosovës të konkurrojnë me të tjerët në rajon, me të tjerët në Evropë dhe neve si shtet i dijës, si shoqëri e dijës të na bëjë pjesë e botës, në të cilën po jetojmë. Për mua është një nder i veçantë që në 38 komuna të Kosovës 151 shkolla përmes një mbështetje të fuqishme financiare", ka thënë ministri Hoxhaj.
 

Ndërsa, menaxheri i Zyrës së Bankës Botërore në Kosovës, Ranjit Nayak, tha se Programi për zhvillimin e arsimit, është një projekt që ka mbështetur Ministrinë e Arsimit për decentralizimin e sistemit arsimor, duke kaluar kompetencat nga niveli qendror në atë komunal.
 

"Me grantet për zhvillim të shkollave, ky projekt ka për qëllim ngritjen e cilësisë në arsim, krijimin e një mjedisi më të përshtatshëm në procesin mësimor. Janë rreth 700 shkolla që kanë marrë grante si dhe mbi 300 mijë nxënës kanë përfituar nga kjo. Shkollat kanë përfituar kabinete, libra, trajnime të mësuesve, transportin e nxënësve dhe të tjera." Ai ka shpjeguar se grantet do të fokusohen në shkollat e mesme dhe në rrugë të vogla rurale me grante deri në 10 mijë euro për shkolla fillore dhe 15 mijë euro për shkolla të mesme për implementimin e aktiviteteve të tyre. Sipas tij, më e rëndësishmja është se ky projekt do të jetë i lidhur me aktivitetet për ngritjen e kapaciteteve të menaxhmentit të shkollave si dhe të prindërve për të planifikuar dhe zbatuar këto aktivitete.

Ndërsa, Alush Istogu, drejtor i Departamentit të Arsimit Parauniversitar, bëri një prezantim të hollësishëm rreth procedurave të granteve për zhvillimin e shkollave. Ai theksoi shkollat do të ndihmohen në realizimin e këtyre granteve dhe në këtë drejtim theksoi rolin e drejtorive komunale të arsimit. Ndërsa, Istogu tha se shkollat duhet të raportojnë në MASHT për të arriturat që kanë shënuar me ndihmën e granteve.
 

24/09/2010

Në kuadër të projektit “Promovimi i të Drejtave të Fëmijës në fushën e Arsimit”, të financuar nga Komisioni Evropian, përkatësisht Instrumenti Evropian për Demokraci dhe të Drejta të Njeriut (EIDHR), më 23 shtator 2010  u mbajt diskutimi publik i Raportit të monitorimit të gjendjes së të drejtave të fëmijës në fushën e arsimit.
Diskutimi u mbajt në Hotel “Victory”, në Prishtinë, ku ishin të pranishëm përfaqësues të MASHT, përfaqësues nga ECLO, Drejtorë shkollash, mësimdhënës dhe nxënës.

Prezantimi i raportit u bë nga Z. Dukagjin Pupovci, Drejtori Ekzekutiv në Qendrën për Arsim të Kosovës. Pas prezantimit të raportit dhe të të gjeturave të hulumtimit u hap një debat ku të pranishmit shtruan pyetje, komentuan të gjeturat si dhe i shtruan disa rekomandime për raportin. Shumica e pjesëmarrësve ishin mirënjohës për këtë punë, ngase kjo do t’iu shërbej për punën e tyre të përditshme, veçmas mësimdhënësve dhe drejtorëve të shkollave do t’iu shërbej për të bërë intervenimet eventuale në shkollat e tyre. Diskutimi u përmbyll me një koktej rasti.
 

Duhet theksuar se përveç gjatë këtij diskutimi, rekomandime dhe komente do të kenë mundësinë të shtrojnë edhe shkollat pjesëmarrëse në këtë hulumtim. Në fund, të gjitha këto rekomandime do të përfshihen në këtë raport. Pas finalizimit të tij, raporti do të botohet dhe do të jetë në dispozicion të të gjithë të interesuarve. Po ashtu këtë raport do ta gjeni edhe në ueb-faqen e KEC.

27/05/2010

Prishtinë, 27 maj 2010 - Ministria e Arsimit, Shkencës dhe Teknologjisë , dhe përfaqësues të Komisionit Evropian në Kosovë (KE) , lansuan projektin -"Qasja Tërësektoriale në Arsim" – EU EDUCATION SWAp.

Me këtë rast Ministri i Arsimit,z. Enver Hoxhaj tha se ky projekt në vlerë prej 3 milion eurosh, financim i Komisionit Evropian, është një mbështetje për sistemin e arsimit si dhe për transformimin e asaj që është e vjetër, me qëllim që ti plotësojmë kërkesat e tregut të Republikës së Kosovës dhe të tregut global të shekullit 21. Arsimi është prioritet i Qeverisë dhe qytetarëve të Kosovës. Ky Prioritet në mbështetje të Bashkimit Evropian na mundëson që të realizojmë një vizion të përbashkët për ndërtimin e një shoqërie të bazuar në dije, me shkathtësi konkurruese, të integruar në rrjedhat evropiane dhe me mundësi të barabarta për avancimin e secilit individ.
Projekti përbëhet nga tri komponentë të cilat do të ndryshojnë thellësisht sistemin tonë arsimorë. Së pari ofron një plan veprues dhe strategjik të hartimit të politikave dhe implementimit të tyre në sistemin tonë arsimor. Së dyti ofron një mbështetje për implementim të Kurrikulumit të Kosovës , dhe së treti, synon që të ofrojë një profil të kompetencave të mësimdhënësve, një katalog të trajnimeve të mësimdhënësve dhe zhvillimin e kapaciteteve e të politikave të trajnimit të tyre.

Kjartan Bjornsson, nga Zyra Ndërlidhëse e Komisionit Evropian në Kosovë u shpreh se edukimi është dhe mbetet prioritet i Bashkimi Evropian në Kosovë. Projekti, "Qasja Tërësektoriale në Arsim" është i një rëndësie të veçantë për Ministrinë e Arsimit Shkencës dhe Teknologjisë për shkak se kësisoj do të mbështesim qëllimin tonë të përbashkët për përmirësimin e menaxhimit të sektorit të arsimit në Kosovë duke prezantuar dhe zhvilluar reforma përmes një qasje të re. KE, do të vazhdojë të mbështesë në vazhdimësi projektet e të cilat ndikojnë në rritjen e cilësisë, edukimin e brezave të rinj të cilët do të jenë të aftë të përmbushin kërkesat e tregut e Evropian dhe atë të Kosovës.

Projektin e prezantoi Eric Woods, udhëheqës i ekipit për projektin "Qasja Tërësektoriale në Arsim" ndërkaq të pranishëm ishin edhe përfaqësues të DKA -ve, OJQ -së dhe mësimdhënës.

Projekti implementohet nga Cambridge Education, Qendra për Arsim e Kosovës (KEC), Education 2000+ Consulting dhe Tribal Helm.
 

26/04/2010

Gjilan, 26 prill 2010 - Në kuadër të projektit "Projekti i Përbashkët i Historisë", me datat 24-25 prill, KEC në bashkëpunim me CDRSEE ka organizuar një trajnim dyditor, ku pjesëmarrës ishin mësimdhënësit e lëndës së historisë nga rajoni i Gjilanit. Qëllimi i kësaj punëtorie ishte aftësimi i mësimdhënësve për shfrytëzimin e metodologjive të reja të mësimdhënies së lendës së historisë duke i shfrytëzuar burimet alternative.

Në fund të trajnimit të gjithë pjesëmarrësve iu dhurua nga një komplet i librave të historisë dhe Udhëzuesin për shfrytëzimin e tyre. Këto libra do t'iu shërbejnë mësimdhënësve si burime alternative.

19/04/2010

Prizren, 19 prill 2010 - Në kuadër të projektit “Promovimi i të drejtave të fëmijës në fushën e edukimit”, financuar nga Komisioni Evropian, është mbajtur  trajnimi "Edukimi për të Drejtat e Njeriut me fëmijë". Në  trajnim morën pjesë 20 nxënës dhe 5 mësimdhënës të shkollave me mësim në gjuhën boshnjake. Trajnimi u mbajt në shkollën fillore "Meto Bajraktari" në Reçan të Prizrenit.

Trajnimi ka shtjelluar tema të Edukimit pë të Drejtat e Njeriut, përmes metodologjisë së edukimit joformal përmes aktiviteteve të bazuara në përvojën e vetë pjesëmarrësve. Nxënësit që morën pjesë në këtë trajnim ishin pjesëtarë të Komiteteve Shkollore për të Drejtat e Fëmijës, ndërsa mësimdhënësit janë këshilltarë pranë Komiteteve.

Qëllimi i këtij trajnimi ishte ngritja e kapaciteteve të fëmijëve, anëtarë të Komiteteve Shkollore për të Drejtat e Fëmijës për të identifikuar rastet e shkeljes së të drejtave të fëmijëve në mjediset e tyre si dhe për tu aktivizuar në mbrojtjen e të drejtave të fëmijëve.

ky trajnim ishte pjesë e ciklit të trajnimeve për fëmijët e Komiteteve Shkollore për të Drejtat e Fëmijës nga shkollat pjesëmarrëse në projekt.

13/04/2010

Prishtinë, 13 prill 2010 - Me datën 12 prill 2010, në lokalet e KEC u mbajt Mbledhja e Bordit të KEC. Në këtë mbledhje u prezantua  Raporti i Punës 2008-2009 dhe u diskutua për të arriturat e KEC gjatë kësaj periudhe.

Raportin e punës që u prezantua në këtë mbledhje mund ta gjeni këtu.