Personi kontaktues: Halim Hyseni

Krijimi i Mjediseve të Sigurta, jo të Dhunshme dhe Humane në Shoqëri dhe Shkolla

Projekti është disenjuar në vitin fund vitit 2007, ndërsa UNICEF ka vendosur që të ta financoj në shtator të vitit 2008. Zbatimi i tij ka filluar me 9 shtator të vitit 2008. Nga emërtimi i projekti shihet qartë se kemi të bëjmë me një proces shumë të ndërlikuar dhe kompleks. Ndihmë të madhe na kanë dhënë përfaqësuesit e UNICEF-it, të cilit në të gjitha ngjarjet e rëndësishme që lidhen me këtë projekt kanë marrë pjesë duke dhënë ide të dobishme dhe me interes.
Në punëtorinë e mbajtur në mars të vitit 2009, projekti fiton një përmasë të re dhe komplekse sepse pas prezantimit të bërë nga koordinatori i projektit për synimet, qëllimet dhe objektivat e tij, doli propozimi se arritja e këtyre piketave është tepër komplekse dhe me shumë rreziqe për shkak të gjerësisë së shtrirjes dhe të afatit të shkurtë. Përfaqësuesit e UNICEF propozuan që ky projekt të pilotohet në 5 komuna të Kosovës.
Pas punëtorisë së mbajtur, janë bërë ndryshime substanciale në zbatimin e Projektit sepse përveç që janë realizuar të gjitha objektivat dhe aktivitetet e parapara me projektin inicial, janë bërë evoluime të mëdha projektuese kështu që tani ky projekti përveç që përfshin pesë komuna pilot, ka fituar një përmasë kërkimore me të cilën synohet që arritjet dhe ndryshimet pozitive të bëra në 169 shkolla, jo vetëm që do të jenë të vëzhgueshme dhe të matshme, por që do te kenë edhe një argumentim shkencor.
Vëllimi i aktivitete është shtuar me elemente të reja të cilat mëtojnë që të fuqizojnë qëndrueshmërinë dhe kohëzgjatjen e projektit. Me adendum të veçantë ky projekt është zgjatur deri më 31 dhjetor 2009 (është dashur të përfundoj me 9 shator 2009). Në marrëveshje me UNICEF, disa aktivitete të këtij projekti do të vazhdojnë deri me 1 mars 2010 .

Objektivat dhe aktivitetet e Projektit

Projekti ka pas për qëllim të kontribuoj në ndërtimin mekanizmave funksionalë që do të mundësojnë krijimin e mjediseve të sigurta, jo të dhunshme dhe humane / miqësore në shoqëri dhe në shkolla me njeriun /fëmijën në qendër.
Objektivat e këtij projekti janë:

1. Rritja e vetëdijes për rolin dhe rëndësinë që kanë mjediset e sigurta, jo të dhunshme dhe humane / miqësore për edukimin dhe zhvillimin njeriut dhe të fëmijës në shoqërinë kosovare
2. Krijimi i një rrejti të Fuqishëm Mbrojtës (në shkolla: Rrjeti i Brendshëm Mbrojtës, në shoqëri Rrjeti i Jashtëm Mbrojtës) me të cilin do të prevenohet – parandalohet ndikimi i faktorëve parazitarë të cilit mund të atakojnë sigurinë në shoqëri dhe në shkolla, të rrisin dhunën dhe të çrregullojnë raportet humane në shoqëri dhe në shkolla
3. Krijimi i një Plani Nacional me të cilin do të funksionalizohet veprim produktiv i Rrjetit të Fuqishëm Mbrojtës të Mjediseve të Sigurta, Jo të dhunshme dhe Humane/Miqësore në shoqëri dhe në shkolla



Të arriturat kryesore të Projektit

Projekti ka bërë që të rritet vetëdija për rolin dhe rëndësinë që ka krijimi i mjediseve të sigurta , jo të dhunshme dhe humane në shoqëri dhe në shkolla për:

• Zhvillimin maksimal fizik, mental, emocional dhe social të fëmijëve në edukimin parashkollor, fillor , të ulët të mesëm dhe të lartë të mesëm

• Rritjen e efikasitetit dhe të efektivitetet të institucioneve arsimore në Kosovë dhe transformimin e institucioneve arsimore në organizata të fuqishme të nxënit dhe prodhimit të dijeve të reja

• Parandalimin e të gjitha llojeve të dhunës në shoqëri dhe në shkollë

• Rritjen e partneritetit të shkollës me segmentet relevante të shoqërisë , me qëllim të krijimit të një mjedis koheziv dhe miqësor me njeriun fëmijën në qendër

Arritje të veçantë e këtij projekti janë:

• Mjediset e rregulluara dhe të estetizuara në një numër shumë të madh të shkollave me çka janë krijuar kushte për një mjedis më të përshtatshëm për të nxënit e suksesshëm

• Rritja e sigurisë në shkolla duke bërë rrethojat e shkollave (gjatë kësaj periudhe janë rrethuar mbi 20 shkolla); duke vendosur kujdestaritë e nxënësve në hyrje të objekte shkollore dhe neper kate si ndihmës të mësimdhënësve kujdestarë; duke i vendosur kartelat identifikuese për nxënës, duke i caktuar nxënësit vullnetarë për të garantuar siguri për nxënësit në shkollë, në oborrin shkollor dhe në relacionin shtëpi - shkollë dhe shkollë- shtëpi; duke vendosur kabina në hyrje të oborreve shkollore etj.

• Krijimi i Rrjetit të Fuqishëm mbrojtës të jashtëm në të cilin janë përfshirë rreth 40 veta nga shërbimet e ndryshme relevante të shoqërisë: Drejtoritë Komunale të Arsimit, Shërbimet e Inspektimit në Arsim, Policia Lokale, Shërbimi Sprovues, Shoqatat e Prindërve, Prindër, Shërbimet shëndetësore, Komitetet shkollore për mbrojtjen e të Drejtave të fëmijës- nxënës
  Krijimi i rrjetit të Fuqishëm Mbrojtës të Brendshëm të cilin e përbëjnë 168 Komitete Shkollore për Mbrojtjen e të Drejtave të Fëmijës në të cilat janë përfshirë mbi 2 200 nxënës

• Krijimi i 169 Këshillave Koordinues për zbatimin projektit në të cilat janë përfshirë 845 persona (169 kryetarë të Këshillave të Shkollës, 169 drejtorë; 338 prind, 169 këshilltarë për të drejtat e fëmijës; 169 nxënës anëtarë të Komiteteve shkollore për mbrojtjen e të drejtave të fëmijës

• Janë vendosur 168 Kutia për të Drejtat e Fëmijës

• Në 169 shkolla është miratuar Rregullorja për përdorimin Kutisë për Mbrojtjen e të Drejtave të fëmijës

• Janë mbjellë mbi 2000 pisha dhe pemë të tjera në oborret shkollore

• Janë formuar mbi 100 Grupe të punës për zhvillime strategjike në të cilat do te integrohet filozofia e projektit

• Është rritur shkalla e pjesëmarrjes së nxënësve në vendimmarrje

Aktivitetet në vijim:

• Është duke u bere plani për monitorimin dytë

• Shkollat pilot janë duke hartuar PZHSH.

• Janë duke u bërë përgatitjet për vlerësimin e projektit përmes një hulumtimi të shpejtë

• Janë duke i bërë përgatitjet për organizimin e ekspozitave dhe të Konferencave për shtyp në komunat Pilot

• Është duke u bërë përgatitja për organizimin e një ekspozite dhe të një konference për shtyp në nivel nacional

• Është duke u hartuar një Protokoll Special për parandalimin dhunës i cili pas debatit publik në Rrjetin Mbrojtës të Krijuar do t’i propozohet MAShT për miratim

• Është në përgatitje e sipër Projekt – propozimi për vazhdimin e Projekti edhe në pesë komuna të tjera PILOT,nëse pas vlerësimit konstatohet se Krijimi i Rrjetit të Fuqishëm Mbrojtës ka prodhuar ndryshime sinjifikante- statistikisht të rëndësishme.

Me qëllim që të sigurohet qëndrueshmëria e projektit të gjitha shkollat pilot, janë duke hartuar planet zhvillimore për periudhën 2009//2010 – 2010/2014. Po ashtu, në përgatitje e sipër është Protokolli Special për parandalimin e dhunës, krijimin shkollave të sigurta dhe pa dhune dhe të mjediseve stimulative e miqësore për fëmije (një lloj PLANI NACIONAL). Për të rritur performancën e komiteteve komunale për mbrojtjen e të drejtave të fëmijës dhe të Komitetit Rajonal për Mbrojtjen e të Drejtave të Fëmijës do të hartohet një udhëzim dhe do të kërkohen strategji për përkrahjen e punë së tyre